ჩემო ტკბილო საქართველოვ — შიო მღვიმელი
Теми: класика
Початок
ჩემო ტკბილო საქართველოვ,
მოგილოცავ დღეის დღესა;
მონობიდან თავდახსნილო,
აღარ ისმის შენი კვნესა.
თუ რამ გჭირდა სიდუხჭირე,
წყალს გაჰყვა და გაილესა,
შენს ნაეკლარ ნიადაგზე
ია-ვარდი დაითესა.
მოგილოცავთ დღეის დღეს და
ვისურვებ, რომ ასე რებდე:
თავისუფალ გმირის სახელს
საუკუნოდ ატარებდე;
ვინც მოვიდეს, შეგეხიზნოს -
შვებასა და ლხენას გრძნობდეს...
მაისი ხომ მაისია,
იანვარშიც მაისობდეს.
Торкнись будь-якого слова — переклад з’явиться одразу, а слово ляже в твою добірку разом із реченням.