კეთილი გველი — სულხან-საბა ორბელიანი
Topics: казки, психологія
Beginning
ერთი გლახაკი კაცი მივიდოდა გზასა. ნახა ორი გველი, ერთი შავი და ერთი წითელი, იბრძვის და შავი ერეოდა.
და თქვა მან კაცმან: ამ წითელს ეჭირვება მოხმარება და მოვეხმარებიო.
მივიდა, შავს გველს ჯოხი დაჰკრა და მოკლა.
მოვიდა წითელი გველი, თავი ადგილზედ დაუკრა და კალთას კბილით მოეკიდა და გაზიდა. გაჰყვა ეს კაცი. ერთის კლდის ქვაბში მიიყვანა. ეგზომი განძი აჩვენა, მეფეს არა ჰქონდა იმდენი, და გამდიდრდა კაცი იგი.
როგორიც კაცი შენა ხარ, ის გველიც, შენისთანა იქნება, თვარა კარგისათვის ავს ვინ უზამს კაცსა.
Tap any word for its translation at once; the word goes into your deck together with its sentence.