პატარა-კახი — აკაკი წერეთელი
Topics: класика
Beginning
ხუთმოქმედებიანი ისტორიული დრამა
მოქმედნი პირნი:
კახეთის მეფე თეიმურაზ II.
დედოფალი თამარ - მისი მეუღლე.
პატარა-კახი - მისი ძე, მემკვიდრე.
გივი ჩოლოყაშვილი - პატარა-კახის გამზრდელი.
ლევან ქვაბულიძე.
რევაზ ბებურიშვილი.
მწყემსი.
მოხუცი ბრმა - გელად წოდებული.
ტურფა - მისი ქალი.
თედო რამაზიშვილი - რევაზის მსახური.
ელენე - ლევანის და.
ბაადურ-კუტი.
მუშები.
შიკრიკები და ამალა.
მოქმედება პირველი
დიდი ტყე, წინ ვაკით. შორით უზარმაზარი მთები მოსჩანან. ერთ
პატარა გორაზე ზის მწყემსი და სალამურს უკრავს.
გამოსვლა პირველი
(ჩამოდის ვაკეზე და მარჯვნივ ტყისკენ იყურება)
დაიგვიანეს, ჯერ არსად სჩანან!
მაგრამ სალამურს თუ მოჰკრა ყური,
ანდამატურის ძალით გამოსწევს
აქეთკენ მის გულს ხმა უცნაური.
(დაფიქრდება. ნაღვლიანის ღიმილით)
ვინ ქვაბულიძე და…
Tap any word for its translation at once; the word goes into your deck together with its sentence.