პირველი გაზაფხული — შიო მღვიმელი
Topics: класика
Beginning
პირველი გაზაფხულია,
ბიჭო, გავიდეთ ველადა,
მინდორი ამწვანებულა,
ბიბინებს სანატრელადა.
მზე გამოფოთლილ ჭალა-ტყეს
დაჰყურებს ცხარე თვალითა,
აქ-იქ ქურდულად დარჩენილს
თოვლს ანადგურებს ძალითა.
ბუჩქების ძირში ჯგუფ-ჯგუფად
ამოფეთქილან იანი,
იქვე ფარფატებს პეპელა,
ნაზი, ფრთა-წინწკლებიანი.
მერცხლებიც დანავარდობენ,
სამშობლოს ნახვით ტკბებიან,
ია ხომ აყვავებულა,
ვარდებიც გაიშლებიან!
Tap any word for its translation at once; the word goes into your deck together with its sentence.