მერცხალი — შიო მღვიმელი
Topics: класика
Beginning
მერცხალო, მახარობელო
კეკლუცი გაზაფხულისა,
მორბედო ია-ვარდისა,
გამხარებელო გულისა!
შენ გენაცვალე, ფრთაცქვიტო,
მალხაზო, ჭიკჭიკხმიანო,
გულის ფანცქალით მოგელი,
ვინძლო არ დაიგვიანო.
მოფრინდი, მითხარ: ზამთარი
მოკვდა, აწ გაზაფხულდება!
გულს მაშინ მივცემ სილაღეს
და ნატვრაც ამისრულდება.
ოცნების ზღვაში შევცურავ,
ლაჟვარდში ავცქრიალდები,
ხან წყალთა სარკეს დავეკვრი,
ფრთაწურვით გავსრიალდები.
მივივლ-მოვივლი კიდეებს,
უკანვე მოვალ ფრენით,
მოგესალმები, ხმატკბილო,
მეც ჩემებურის ენითა...
შენი ჭირიმე, მერცხალო,
შავთვალა გიშრისფრთიანო,
შორს წამსვლელს ვინძლო სალამი
იქაც არ დამიგვიანო!
Tap any word for its translation at once; the word goes into your deck together with its sentence.